Interi ka regjistruar fitore ndaj Salzburgut, në ndeshjen e vlefshme për xhiron e tretë në Grupin D në Ligën e Kampionëve.
Skuadra e drejtuar nga Simone Inzaghi triumfoi si vendase me rezultatin 2:1.
Alexis Sanchez (19’) shënoi për epërsinë fillestare, me Interin që hyri në pushimin mes pjesëve me epërsi minimale.
Salzburgu ia doli të barazonte shifrat në pjesën e dytë përmes Oscar Gloukh (57’).
Megjithatë, nënkampionët e Evropës rikthyen sërish epërsinë me Hakan Çalhanoglun (64’), i cili shënoi nga penalltia.
Italianët shënuan edhe një herë tjetër në minutën e 81-të, por goli i Lautaro Martinezit u anulua nga VAR-i, për shkak të pozitës jashtë loje.
Te “Nerazzurrët” u aktivizua edhe mesfushori shqiptar, Kristjan Asllani, i cili hyri si zëvendësues në minutën e 76-të.
Ai e kërkoi golin nga më shumë se 40 metra kur e pa portierin kundërshtar se nuk ishte në portë, mirëpo nuk e qëlloi cakun.
Kristjan Asllani stava per segnare un gol stupendo.🇦🇱 pic.twitter.com/swGu1OnjSJ
— Jjuli (@jjuli_007) October 24, 2023
Interi pas kësaj fitore ka 7 pikë dhe tani prin në Grupin D, me tri pikë më shumë se Real Sociedadi, që takohet sonte me Benfican. Salzburgu mbetet i treti me tri pikë.
