Presidenti i Federatës së Futbollit, Agim Ademi, është takuar me kryetari e Komunës së Gjilanit, Alban Hyseni, ku kanë folur për projektin e stadiumit të Gjilanit.
Për këtë stadium kanë filluar procedurat e prokurimit për ta shndërruar në stadium të kategorisë së 4 të UEFA-s.
Në këtë projekt do të investohen edhe 15 milionë euro.
Gjithashtu, pjesë e diskutimeve ishin edhe stadiumi i Kikës, punimet e të cilit do të përmbyllen së shpejti, si dhe për klubin dhe shkollën e futbollit të Dobërçanit.
Ademi e Hyseni u dakorduan që në ditët e ardhshme ta nënshkruajnë një memorandum, ku drejtuesit e komunës u treguan të gatshëm që të ofrojnë parcelën dhe infrastrukturën bazike për federatën në mënyrë që bashkërisht të ndërtohen sa më shumë objekte sportive.
Ademi theksoi se një stadium i tillë i ka munguar derbit të madh të Anamoravës dhe njëherësh derbit më të madh të futbollit kosovar, por edhe në rajon.
Gjatë këtij takimi presidenti Ademi ishte i shoqëruar nga legjenda e futbollit gjilanas, Muharrem Sahiti dhe administratori i LRF të Gjilanit, Armend Misini. /Lajmi.net/
