Humbja e Como-s ndaj Sassuolo-s e bën edhe më të rëndësishme ndeshjen e Milanit në Verona, me mundësinë për të thelluar diferencën në klasifikim dhe afruar me Champions League.
Massimiliano Allegri thekson rëndësinë e kthimit te fitorja dhe komenton situatën e Rafael Leão: “Kritikat ndaj tij i bënë mirë, Leao kuptoi që në jetë gjërat nuk shkojnë gjithmonë mirë. Do të ketë reagim të fortë”.
Max shtoi se skuadra duhet të jetë më e organizuar: “Me Udinese ishim të çrregullt”. Për objektivin: “Kanë mbetur 6 ndeshje, duhet vetëm të luajmë me qetësi dhe kompaktësi”.
Për të ardhmen e tij: “Nuk e di, tani të gjitha energjitë janë tek objektivi final. Mbi gjithçka është Milani. Unë jam i lidhur me lojtarët dhe me klubin”.
Ai theksoi se hapi i parë është Champions League, pastaj planifikimi i së ardhmes: “Duhet të arrijmë objektivin dhe pastaj të programojmë të ardhmen”.
