Ndeshja me Valencia-n kaloi shumë shpejt në plan të dytë gjatë konferencës së sotme që mbajti Xabi Alonso. Ashtu siç pritej gazetarët u interesuan më tepër mbi situatën e krijuar nga Vinicius Junior pas zëvendësimit në klasiken me Barçën.
“Pas ndeshjes me Barcelonën kishim dy ditë pushim. Të mërkurën u takuam të gjithë dhe Vinicius mbajti një fjalim ku vura re se fjalët e tij ishin të sinqerta. Për mua mbyllet këtu kjo situatë”, tha Alonso.
