Trajneri i Real Madridit, Carlo Ancelotti, ka thënë se lojtari i Rajo Vallejkano, Fran Garcia do të nënshkruajë kontratë me klubin madrilen në fund të sezonit.
Pas ndeshjes mes Real Madridit dhe Rajo Valejkanos, të cilën vendasit e fituan 2:1, ai tha se mbrojtësi i majtë i talentuar do t’i bashkohet skuadrës sezonin e ardhshëm.
“Garcia luan si mbrojtës i majtë dhe ka shumë energji.
Ai është i shpejtë me topin dhe i mirë në sulm.
Ai i përshtatet Realit, dhe sezonin e ardhshëm do të jetë në klubin tonë”, tha Ancelotti, njoftojnë mediat spanjolle.
Garcia kaloi në Akademinë e të rinjve të Real Madrid. Në vitin 2020, ai shkoi në huazim te Rajo Valejkanos, i cili një vit më vonë bleu Garcia nga Reali për dy milionë euro.
Kujtojmë, madrilenët aktualisht janë në vendin e dytë në La Liga me dy xhiro para përfundimit të kompeticionit. Në Ligën e Kampionëve u eliminuan në gjysmëfinale nga Man. Siti me rezultat të përgjithshëm 5:1.
