Ansu Fati kthehet në Barcelonë. Pas sezonit të huazuar te Brighton, jo tamam për t’u mbajtur mend, anësori sulmues spanjoll do të kthehet në bazën vendase, gati për të luajtur shanset e tij nën urdhrat e Hansi Flick.
“Ndihem shumë mirë. Ishte një vit në të cilin mësova shumë gjëra, përjetova një kampionat shumë kërkues si Premier League. Ishte kënaqësi të luaja për Brighton, por tani jam kthyer në klubin tim dhe me familjen time. E vërteta është se jam shumë i lumtur”, tha numri 10 i Blaugranas për “Mundo Deportivo”.
Si ndiheni fizikisht?
“Tani për tani jam 100%. Jam duke punuar shumë sepse ndjej se kam gjithmonë hapësirë për përmirësim. Kaloj shumë orë në palestër. Ka njerëz që besojnë se Ansu është i dëmtuar dhe në fund shkova dy vite pa u lënduar, dhe njerëzit vazhdojnë të mendojnë për të deri në momentin e fundit.”
Për përvojën e tij në Brighton.
“Vendosa të bëj një hap në karrierën time që e ndjeva se duhej ta bëja. Ndjeva se gjithçka që bëja nuk kishte vlerë dhe kjo ishte arsyeja pse vendosa të ndryshoja ekipin, ishte ajo që duhej të bëja. E ndoqa Barçën nga larg, por nuk mund t’ju them nëse golat e mi kanë munguar, i uroj klubit dhe ekipit gjithmonë më të mirat”.
