Duket se Champions League e Azisë është kthyer në kompeticionin e preferuar të Jasir Asanit. Anësori i sulmit kuqezi ka gjetur sërish rrugën e rrjetës në këtë kompeticion.
Asani ka shënuar golin e avantazhit për skuadrën e tij Guangju në sfidën e sotme kundër kinezëve të Shanghai Shenhua (aktualisht ndeshja po luhet dhe rezultati është 1-0), e vlefshme për javën e 5-të të Ligës së Kampioneve të Azisë.
Ky është goli i 7-të sezonal për Asanin në këtë edicion të Ligës së Kampioneve të Azisë.
