Vazhdon ecuria e shkëlqyer e Atalanta-s në kampionat.
Skuadra e Berat Gjimshitit ka mundur Cagliari-n e Alen Sherrit, përsëri titullar sot, në javën e 16-të të Serisë A dhe ka përforcuar kreun e renditjes.
Pas një pjese të parë shumë të mirë nga Cagliari, me portierin Carneseçhi që ka bërë disa pritje shpëtimtare, bergamaskët janë zgjuar në 45 minutat e dyta.
CAGLIARI-ATALANTA – 0-1 – GOLI – VIDEO
Ka qenë i goditur zëvendësimi i bërë nga Gasperini në minutën e 64-t duke aktivizuar Zaniolo-n në vend të De Ketelaere.
Ka qenë pikërisht italiani që ka realizuar golin që ka vendosur takimin në minutën e 66-të duke i dhuruar skuadrës së tij tri pikë të tjera shumë të rëndësishme në luftën për titull.
