Siç raportohet, Liverpooli është i gatshëm t’i ndajë rrugët me sulmuesin kolumbian, Luis Diaz.
Pasi iu bashkua Liverpoolit në dimrin e vitit 2022, Luis Diaz kaloi nëpër ulje e ngritje të ndryshmë nën udhëheqjen e Jurgen Klopp.
Megjithatë, anësori ishte një nga lojtarët më të mirë të Liverpoolit sezonin që e lamë pas.
Andaj, Liverpooli po ngurron të ulë çmimin që Barcelona po ofron për shërbimet e sulmuesit kolumbian.
Fillimisht, klubi nga Merseyside i kishte vendosur një shifër prej 120 milionë eurosh, mirëpo tanimë kanë vendosur një çmim më real.
Sipas “Diario AS”, “The Reds” i kanë vendosur një çmim prej 75 milionë eurosh, një shumë e madhe për Barcelonën, që po kalon në momente jo të mira financiare.
Katalunasit duhet të shesin disa lojtarë për të arritur këtë shumë, prandaj transferimi i tij duhet të presë pak.
Diaz nuk është i vetmi sulmues anësor në ‘radarin’ e Barcelonës, me klubin katalunas që është interesuar edhe për shërbimet e Nico Williams.
Mirëpo, drejtori sportiv Deco e vlerëson më shumë Diazin se Williams Jr.
