“Bayern Munich do të jetë pa Serge Gnabry për një periudhë të gjatë kohe për shkak të një këputjeje në tendinin aduktor në këmbën e djathtë. Kjo është e konfirmuar nga testet e kryera nga stafi mjekësor i klubit.”
Është kjo deklarata e dhënë nga klubi bavarez, që ka sjellë pesimizëm te Bayern Munich në prag të gjysmëfinaleve të Champions League. një lajm që ka prishur festën e titullit kampion në Bundesliga.
Koha e dëmtimit është e paqartë, por Sky Sport DE ka raportuar se sezoni i Gnabry ka mbaruar. Ky dëmtim ndikon drejtpërdrejt jo vetëm në ekipin e Kompany, por edhe në kombëtaren e Gjermanisë.
Mediat sqarojnë se 30-vjeçari nuk do të jetë në gjendje të rikuperohet për Kupën e Botës, ku ai me siguri do të kishte qenë një nga lojtarët kryesorë të ekipit të udhëhequr nga trajneri Julian Nagelsmann. Shanset janë minimale.
