Pozicioni dhe paraqitja e Gonçalo Ramos vazhdojnë të jenë temë diskutimi edhe pas fitores 3-0 të Milanit ndaj Lecce në “San Siro”. Sulmuesi portugez u përdor nga Amorim si pikë referimi në fazën ofensive dhe dha një asist të shkëlqyer për Rabiot, në aksionin e golit të dytë, ndërsa kontribuoi edhe me punën e tij të përgjithshme.
Giuseppe Bergomi, ish-kapiteni dhe simboli i Interit, e analizoi situatën e tij në “Sky Calcio Club”: “Është një lojtar që di të luajë futboll, këtë e kupton nga mënyra se si lidh lojën. Për të e rezervoj gjykimin, sepse dua të kuptoj nëse Amorim arrin ta përfshijë më shumë në lojë. Milani shkon pak deri në vijën fundore dhe duhet të arrijë ta përfshijë përmes kombinimeve”.
Edhe Luca Marchegiani foli për sulmuesin portugez dhe rolin e tij në projektin kuqezi: “Nuk është xheloz kur shënojnë të tjerët, kjo u pa nga mënyra si festoi. Edhe me Moreira u përqafua. Në këtë aspekt, nuk po vuan nga fakti që po shënon pak”.
