“Poker” i Barcelonës në shtëpinë e Real Madridit me Robert Lewandowskin, i cili ishte protagonisti i madh i natës në Bernabeu. Sulmuesi polak, në fakt, drejtoi El Clasico me një dygolësh të shënuar brenda dy minutave, në minutat 54-ët dhe 56-të. Më pas në minutën e 77-të Yamal shënoi golin e tretë. Në fund, pokeri i plotësuar nga Raphinha, në minutën e 84-të.
Ashtu siç pritej pati shumë emocione, me një gol të anuluar nga VAR për Mbappe në pjesën e parë, në minutën e 31-të. Sulmuesi francez në fakt ishte në prag të pozicionit jashtë loje. Megjithatë, pas 13 ndeshjesh, pjesa e parë e El Clasico përfundoi sërish 0-0 (hera e fundit ishte 1 Mars 2020, kur përfundoi 2-0 për Realin).
Për t’u shënuar janë 9 pozicione jashtë loje vetëm në 45 minutat e para (8 për Blancos, 1 për Blaugranat).
E gjitha muzikë e ndryshe në pjesën e dytë. Barcelona vazhdon epërsinë e saj në klasifikim: ka 30 pikë. Skuadra e Ancelottit është në vendin e dytë, gjashtë pikë larg majës.
