“Futbolli fitoi” ishte komenti i shkurtër që zgjodhi Toni Kroos pas finales së madhe të Nju Xhersit. Ish-kampioni i Botës me Gjermaninë postoi mendimin e tij në “X” dhe brenda 2 minutave arriti që të merrte 200.000 mijë pëlqime.
Por reagimi i gjermanit nuk ishte i vetmi pas triumfit spanjoll. “Sapo ndoqëm finalen më të pabarabartë të historisë së Kupës së Botës”, analizoi ish-sulmuesi i Villarreal, Giuseppe Rossi.
“Spanja e meritoi plotësisht! Ishte skuadra më e mirë e turneut”, shkroi Michael Owen në “X”.
Edhe Ilkay Gündogan vlerësoi kampionët e ri të botës duke vendosur theksin në lojën e shfaqur si ekip. “Urime të mëdha për Spanjën. Fitore e merituar dhe e ndërtuar mbi lojën e ekipit. Ishte skuadra më e mirë e turneut”, shkroi ish-mesfushori i Gjermanisë. A.V.
