Zymer Bytyqi e ka regjistruar asistimin e parë te skuadra e CSKA Sofias.
Bytyqi kontribuoi me asistim në barazimin 2:2 të CSKA Sofias ndaj Krumovgradit. Ndeshja u luajt të dielën dhe i takoi xhiros së 15-të të kampionatit bullgar.
Bytyqi asistoi te goli i dytë që e shënoi Goduine Koyalipou në minutën e 58-të.
Ai luajti deri në minutën e 66-të. Lumbardh Dellova e kompletoi ndeshjen.
Bytyqi e ka të shënuar edhe një gol në shtatë ndeshje të luajtura këtë edicion.
CSKA Sofia është në vendin e tetë me 18 pikë. Krumovgradi ka 16 pikë dhe renditet në pozitën e dhjetë.
