Santi Cañizares ka kritikuar ashpër Álvaro Arbeloa në emisionin “Tiempo de Juego”, duke folur për mungesën e minutave të Dani Carvajal te Real Madridi. “Carvajal nuk e meriton trajtimin që ka marrë nga Arbeloa”, – deklaroi ish-portieri i Real Madridit (1988–1992 dhe 1994–1998).
Ai shtoi: “Kjo është një histori që nuk e dimë. Mund të jetë marrëdhënia me trajnerin, apo kontrata…, por është mungesë respekti që një lojtar si Carvajal të mos ketë minuta këtë sezon. Kapiteni nuk e meriton këtë trajtim”.
Cañizares theksoi se mbrojtësi 34-vjeçar është “legjendë e Real Madridit” dhe se duhet të ketë mundësi të luajë, edhe nëse nuk është në formë optimale. Ai madje sugjeroi se mund të ketë tension personal mes tij dhe Arbeloa, duke kujtuar se ata kanë ndarë të njëjtin pozicion në të kaluarën.
Paco González gjithashtu kritikoi trajnerin për deklaratat e tij, duke i quajtur “mungesë respekti profesional dhe personal”. Juanma Castaño shtoi se Carvajal është trajtuar “si çdo lojtar tjetër”, pavarësisht statusit të tij si kapiten dhe fitues i 6 Champions League.
