CFR Cluj ka marrë merita se ndihmoi Kombëtaren e Rumanisë duke lejuar Ermal Krasniqin të grumbullohet me Kosovën në ndeshjen ndaj Izraelit, fitorja e kosovarëve e cila i ndihmoi Rumanisë drejt kualifikimit në Kampionatin Evropian 2024.
Krasniqi u inkuadrua te Kosova në pjesën e dytë ndaj Izraelit, duke humbur edhe një rast të mirë shënimi, shkruan lajmi.net.
Kosova triumfoi 1:0 kundër Izraelit, në kuadër të kualifikimeve për Kampionatin Evropian 2024 dhe triumfi në “Fadil Vokrri” u pa si fitore e madhe edhe për Zvicrën e Rumaninë që tani janë më afër plasmanit në “Euro 2024”.
Presidenti i CFR Cluj, Cristi Balaj tha se ata e kishin menduar mirë lejën për Krasniqin të luante për Kosovën kundër Izraelit, duke shpresuar që ai të ndihmojë edhe Rumaninë që po e kërkon “biletën” për Evropian.
“Ne e kemi debatuar këtë temë brenda klubit, duke pasur parasysh se nuk është dhënë FIFA, nëse do ta lëmë apo jo. Ne po vuanim para ndeshjes dhe nuk kishim shumë lojtarë për t’u mbështetur. Krasniqi ishte një zgjidhje e rëndësishme vetëm se kishim parë edhe faktin se ishte e rëndësishme që Rumania të përfitonte nga fitorja e Kosovës kundër Izraelit” – ka thënë Balaj për Fanatik, përcjell lajmi.net.
Kosova tani ka dhjetë pikë në vendin e katërt, një me pak se Izraeli, kurse, Rumania kryeson Grupin I me 16 pikë, një më shumë së Zvicra./Lajmi.net/
