Trajneri i Francës, Didier Deschamps, e ka cilësuar Spanjën favorite në prag të gjysmëfinales së Botërorit 2026. “E njohim mirë Spanjën. Është kampionia në fuqi e Europës, u përballëm me të edhe verën e kaluar në gjysmëfinalen e Ligës së Kombeve. Para Botërorit na konsideronin ne favoritë, por tani favorite është Spanja”, – deklaroi ai për “Movistar”, duke ia kaluar presionin kundërshtarit.
“Kjo iu shton më shumë presion atyre për gjithçka që kanë arritur, edhe pse humbën finalen e Ligës së Kombeve ndaj Portugalisë. Gjithsesi, është një skuadër shumë e fortë, me shumë pika të forta”, – shtoi tekniku francez.
Në fund, Deschamps theksoi rëndësinë e sfidës: “Mbi të gjitha, kjo është një gjysmëfinale e Kupës së Botës dhe niveli pritet jashtëzakonisht i lartë.” Ai ka mbajtur të njëjtin qëndrim ndaj Spanjës që nga fillimi i turneut.
