Goditja e madhe ofensive për Milanin është shtyrë për në verë. Dhe për momentin objektivi i madh është Joshua Zirkze, por një kandidat potencial është edhe Benjamin Sheshko.
I kërkuar nga më të mëdhatë e Europës, kartoni i tij vlen të paktën 50 milionë euro, ndaj deri më sot favorit është holandezi i Bolonjës. Duke u kthyer te bomberi i Lajpcigut, 20 vitet e tij dhe 7 golat sezonalë janë një kartëvizitë e përsosur për “djallin” që kërkon një lojtar me moshë të re dhe perspektivë të madhe. Sheshko, ashtu si Zirkze, do të ishte një profil ideal.
BRASIE FAVORIT – Sipas raportimeve të fundit nga Italia, “Djalli”, vijon të kërkojë një përforcim të ri për prapaviijën në këto ditë të fundit të merkatos së janarit. Ka kandidatë që vijojnë të përmenden: Shalobah dhe Brasie me këtë të fundit që ka parë t’i rriten kuotat. Kuqezinjtë janë gati të ofrojnë 8 milionë euro, ndërkohë që Bresti kërkon të paktën 12. Nëse palët bëjnë një sforco të fundit, akordi mund të gjendet te 10 milionë euro duke i bërë të gjithë të lumtur, sidomos lojtarin që prej një muaji tashmë kërkon transferimin. Edhe Çelsi ishte i hapur për një huazim me të drejtë blerjeje të Shalobasë, por në “Casa Milan” reflektojnë mbi problemet e shumta fizike që ka pasur qendërmbrojtësi anglez që në këtë sezon nuk ka debutuar ende.
PANORAMASPORT.AL
