Ylli i Arsenalit, Gabriel, ka pranuar se humbja në finalen e Champions League është një motivim i madh përpara ndeshjes Community Shield këtë fundjavë.
Fituesit e Premier League, Arsenal, dhe kampionët e Kupës FA, Manchester City, përballen në stadiumin Millennium të Cardiffit të dielën në atë që duhet të jetë një përballje argëtuese.
Kjo përballje vjen vetëm pak muaj pas humbjes së Arsenalit në finalen e kundër Paris Saint-Germain, në të cilën Gabriel gjuajti penalltinë e fundit mbi traversë, duke vulosur fitoren për gjigantët francezë.
Duke folur për TNT Sports përpara ndeshjes, Gabriel pranoi se një humbje e tillë vetëm sa do ta motivojë atë dhe ekipin e tij.
“Për mua veçanërisht, (humbja në finale) është një motivim dhe, sigurisht, ne duam të fitojmë çdo trofe. Por ne e dimë procesin dhe jam i motivuar të fitoj sa më shumë trofe të jetë e mundur.
“Kam qenë në këtë klub për gati gjashtë vjet, dhe tifozët, çfarë bënë të gjithë brenda klubit që ne të jemi në pozicionin më të mirë për të garuar çdo vit për trofe.
“Motivimi vjen nga brenda dhe nga shokët tanë të ekipit. Mund ta shoh se si çdo lojtar dëshiron të fitojë, dhe kështu ke edhe më shumë motivim për të dhënë gjithçka.
“Po, mendoj, siç thashë, është motivim për ne, dhe ne e dimë cilësinë që kemi në ekipin tonë. Sa shumë duam të fitojmë përsëri dhe, sigurisht, do të luajmë për pesë trofe, dhe do të përpiqemi t’i fitojmë ato”.
