KF Dukagjini ka marrë një fitore të vështirë në udhëtim ndaj Prishtina e Re, në kuadër të xhiros së 35-të në Superligën e Kosovës.
Skuadra nga Klina, e cila së fundmi triumfoi në Kupën e Kosovës, fitoi me rezultat 2-3 pas një përmbysjeje në pjesën e dytë.
Dukagjini kaloi i pari në epërsi me golin e Pllanës në minutën e 13-të. Megjithatë, vendasit reaguan fuqishëm para pushimit, kur Mekic realizoi dy herë brenda katër minutash për të përmbysur rezultatin (40’, 45+4’).
Në pjesën e dytë, KF Dukagjini dominoi lojën dhe arriti të rikthehej në rezultat. Fillimisht Altin Mërlaku realizoi një gol të bukur për 2-2 në minutën e 65-të.
Vetëm dy minuta më vonë, Kushtrim Gashi shënoi golin e përmbysjes dhe të fitores për skuadrën nga Klina.
Pas kësaj fitoreje, KF Dukagjini shkon në kuotën e 48 pikëve, ndërsa Prishtina e Re mbetet me 31 pikë.
