Benjamin Kololli ka shkëlqyer të shtunën mbrëma në fitoren e Sionit.
Sioni e mposhti në shtëpi Grasshoppersin me rezultatin 2:1 në kuadër të xhiros së parafundit të Superligës së Zvicrës në futboll.
Të dy golat e Sionit i realizoi Kololli.
Fillimisht Kololli në minutën e 56-të realizoi për 1:0. Katër minuta më pas, Kololli e shënoi golin e fundit.
Ai luajti deri në minutën e 67-të dhe u zëvendësua me Pajtim Kasamin. Kololli ishte më i dalluari në ndeshje. Bashkëlojtari i Kolollit dhe i Kasamit, Kreshnik Hajrizi e kompletoi ndeshjen.
Te Grasshoppersi deri në minutën e 75-të luajti Amir Abrashi.
33-vjeçari Kololli këtë edicion në 22 ndeshjet e zhvilluara ka realizuar dhjetë gola dhe ka bërë katër asistime.
