6 tetori do të jetë një ditë e veçantë për çdo argjentinas, pasi në këtë datë Lionel Messi do të luajë për herë të fundit me kombëtaren e tij.
“Pleshti” do t’i japë fund karrierës ndërkombëtare në miqësoren ndaj Beninit dhe çdo argjentinas dëshiron të jetë në stadiumin ikonik “Monumental” në Buenos Aires, për t’i dhënë lamtumirën që i takon një legjende si Lionel Messi.
Dy yjet e Romës, Paulo Dybala dhe Nahuel Molina, nuk do të jenë pjesë e kësaj ngjarjeje, pasi Roma refuzoi kërkesën e tyre për leje për të marrë pjesë. Sky Sport Italia dhe mediet e tjera italiane zbulojnë se trajneri Gian Piero Gasperini dëshiron që lojtarët të shmangin një fluturim kaq të gjatë ndërkontinental, kaq pranë ndeshjes vendimtare të Serie A kundër Comos, më 11 tetor dhe për këtë arsye është refuzuar kërkesa e tyre.
