Fati i keq i dëmtimeve vazhdon ta ndjekë Juventusin. Randal Kolo Muani ka frakturuar një gisht të dorës dhe do t’i nënshtrohet një ndërhyrjeje kirurgjikale, raporton “Tuttosport”.
Sulmuesi francez luajti të dielën në mbrëmje kundër Atalantës me një fashë të dukshme në dorën e djathtë, mes gishtit të unazës dhe gishtit të vogël.
Bëhet fjalë për një dëmtim që nuk pritet të krijojë probleme të mëdha për një sulmues, por ndërhyrja do t’ia vështirësojë aktivitetin 27-vjeçarit gjatë pushimit të gjatë të kombëtareve. Kolo Muani nuk është grumbulluar nga Franca, e cila ka nisur epokën e re me Zinedine Zidane në stol.
Pas Yildiz, Thuram, Locatelli dhe Grabara, Kolo Muani bëhet lojtari i pestë i Juventusit që i nënshtrohet një operacioni këtë sezon.
Pushimi ndërkombëtar prej tri javësh mund ta ndihmojë ndjeshëm. Nëse rikuperimi ecën sipas parashikimeve, Kolo Muani mund të mos humbasë asnjë ndeshje të Juventusit dhe të jetë i gatshëm për sfidën e 11 tetorit në transfertën ndaj Cagliarit.
