Paulo Fonseka nuk e ka nisur në mënyrën më të mirë të mundshme aventurën e tij në drejtimin e Milanit. Starti i kuqezinjve ka qenë një makth i vërtetë dhe mungesa e fitoreve që në ndeshjet e para e ka kthyer atë në objektivin e kritikave të tifozëve.
Vetëm 2 pikë në tre ndeshje është një bilanc shumë i vakët për një klub si Milani në fillimin e sezonit. Dhe në fakt është një rekord më vete i arritur nga trajneri në 40 vitet e fundit të klubit kuqezi. Rezulton se në këto 40 vite, ai është trajneri që ka bërë me keq se të gjithë në tre ndeshjet e para, e për më tepër nuk ka fituar asnjë ndeshje.
Në këtë periudhë kohore kanë qenë 17 trajnerë që kanë drejtuar Milanin, por edhe në vitet më të errëta të kuqezinjve, një start si ky nuk ishte parë asnjëherë. Montela në 2016-2017, Mihajloviç në 2015-2016 dhe Kapelo në 1986-1987 kishin regjistruar dy humbje, por kishin fituar të paktën një prej tre sfidave të para zyrtare në drejtim të klubit, gjë të cilën Fonseka nuk e ka arritur ende.
PANORAMASPORT.AL
