Statuja dedikuar Gilles Villeneuve, ish-pilot i Formulës 1, i cili ndërroi jetë pas një aksidenti në 1982, është vjedhur. Gjithçka ka ndodhur në Berthierville, në Kanada, në zonën pranë muzeut të dedikuar ish-pilotit të Ferrari-t mbrëmjen e 31 tetorit.
Këtë episod të shëmtuar e denoncoi Jacques Villeneuve. “Statuja e ngritur në nder të babait tim është vjedhur. Këto qënie pashpirt nuk meritojnë të konsiderohen njerëz. Nuk e di se çfarë kanë në kokë dhe në zemër këta njerëz”, ka shkruar i biri i legjendës së Formulës 1.
