“Nuk kemi frikë nga askush, padyshim. Duke pasur parasysh rrugën që kemi ndjekur, mendoj se po arrijmë në gjysmëfinale në formën më të mirë të mundshme. Vështirë se mund të kishim mbërritur në një formë më të mirë”. Kjo ishte përgjigja e Adrien Rabiot, në prag të ndeshjes Francë-Spanjë, ndaj komenteve të Lamine Yamal në TVE të premten, i cili tha se “nëse Franca duhet të ketë frikë dikë, jemi ne”.
“Nuk do të ketë asnjë plan anti-Yamal, do të përqendrohemi te e gjithë skuadra spanjolle”, vazhdoi mesfushori i Bleus. “E dimë që ata janë të rrezikshëm në çdo nivel, qoftë ai, sulmi i tyre, posedimi i topit, hapësirat e ngushta pranë zonës së penalltisë, apo pasimet e tyre. Kështu që duhet të përqendrohemi në këtë dhe jo domosdoshmërisht te një lojtar individual”.
“Ekziston një lidhje dhe kohezion midis nesh si skuadër, – tha ai. Jashtë fushës, gjërat po shkojnë shumë mirë dhe mendoj se kjo është një pjesë e madhe e këtij suksesi. Ka edhe gjëra që na kanë bashkuar, si vështirësitë me të cilat përballet Didier (trajneri Deschamps, i cili humbi nënën e tij gjatë turneut), duke ditur se kjo është edhe gara e tij e fundit si trajner i Francës. Ka kaq shumë gjëra që e bëjnë këtë të duket si koha e duhur”.
