Trepça ’89 e Mitrovicës ka emëruar kryetrajnerin e ri.
Gani Sejdiut iu është besuar timoni.
Sejdiu është trajner i mirënjohur.
Klubi mitrovicas ka synime rikthimin në elitën e futbollit të Kosovës.
“Klubi Futbollistik Trepça’89 ka kënaqësinë të njoftojë emërimin e Gani Sejdiut si kryetrajner i ekipit tonë të parë.
Me një përvojë të pasur në futbollin kosovar dhe një vizion të qartë për zhvillimin dhe suksesin e skuadrës, Gani Sejdiu rikthehet në pankinën tonë për të udhëhequr një projekt të ri dhe ambicioz.
Besimi ynë në profesionalizmin, përkushtimin dhe aftësitë e tij është i plotë — dhe jemi të bindur se me të në krye, Trepça’89 do të ecë drejt objektivave madhore.
Mirësevjen në shtëpi, profesor!
Bashkë drejt sukseseve të reja!”, njofton KF Trepça ’89.
