Ishte përfolur gjatë këtyre ditëve që prokuroria e Federatës Italiane të Futbollit kishte nisur një hetim për blasfeminë e Lautaro Martinezit në fundin e ndeshjes me Juventusin.
Në fillim u tha se mungonte audio, por prova është gjetur dhe me shumë mundësi është vërtetuar fraza e thënë prej Lautaros. Sigurisht që kapiteni nuk e ka pranuar pas ndeshjes kundër Xhenoas, por tani rrezikon realisht që të mungojë një ndeshje.
Megjithatë, Interi përmes avokatëve mund të pranojë fajësinë e lojtarit dhe në këtë mënyrë situata mund të mbyllet me një gjobë. Gjithçka do të vendoset javën e ardhshme, por e sigurt është që kapiteni argjentinas do të jetë në fushën e lojës kundër Napolit.
PANORAMASPORT.AL
