Vigjilja e ndeshjes mes Gjermanisë dhe Paraguajit nuk ka qenë e qetë për të dy skuadrat. Në kampin gjerman humbja përballë Ekuadorit ka lënë jo pak dyshime në kokën e Julian Nagelsmann, i cili është ftuar nga legjenda të skuadrës që të rishikojë strategjinë e tij.
Për ndeshjen e radhës, e cila do të luhet në “Gillette Stadium”, komisari teknik i Gjermanisë mund të bëjë disa ndryshime. Kështu Kimmich mund të spostohet në qendër të mesfushës ndërsa në krahgun e djathtë të mbrojtjes mund të aktivizohet njëri prej Waldemar Anton dhe Malick Thiaw.
Të tjera probleme shqetësojnë komisarin teknik të Paraguajit. Gustavo Alfaro ka lënë të kuptohet se skuadra e tij nuk është vlerësuar si duhet për sipërmarrjen e bërë pasi siguroi kualifikimin për në fazën me eliminim direkt. “Kisha ndjesinë se Paraguaji ishte ndoshta i vetmi vend ku nuk kishte festime për arritjen tonë në raundin tjetër”, tha tekniku. A.V.
