Shumë komentues tashmë po mendojnë se kush mund të jetë pasardhësi i Allegrit dhe cilin ekip do drejtojë toskani sezonin e ardhshëm. Në fakt, Antonio Cassano tha fjalën e tij se cila do të jetë e ardhmja e Allegrit, Juventusit dhe më gjerë:
“Masimiliano Allegri do të shkarkohet nga Juventusi dhe unë do t’ju tregoj se si do të përfundojë. Për mua ai shkon te Napoli”.
Ajo që Cassano tha për BoboTV ishte një bombë e vërtet , së cilës i shtohet një koment për De Laurentiis:
“Ai ka pasur probleme me të gjithë trajnerët: me Sarrin, me Ancelottin dhe tani ai ka bërë dëmin me Spallettin. A mund të më thoni cili trajner mund të pranojë gjëra të tilla? Ndër të mëdhenjtë vetëm Allegri”.
Pra, ky është mendimi i Cassanos për të ardhmen e Massimiliano Allegrit. /G.D abcnews.al/
