Kapiteni i kombëtares së Zvicrës, Granit Xhaka, në konferencë me gazetarë, ka folur për shumëçka.
Xhaka tani me Zvicrën e kanë të njohur kundërshtarin e perekfinales së Kampionatit Evropian.
Zvicra do të ballafaqohet me Anglinë.
A po e shohim Xhakën më të mirë të të gjitha kohërave?
“Nuk më pëlqen të krahasoj veten me paraqitjet e mia të mëparshme.
Por unë jam në formë shumë të mirë, kjo është e vërtetë”, tha Xhaka, transmeton mediumi zviceran “Blick”.
A do të fitoni edhe çerekfinalen? Xhaka përgjigjet: “Nuk do të thosha se do ta fitojmë Europianin.
Por mund të them se do të japim gjithçka për të. Tani presim Anglinë”.
Xhakës i pëlqen qebapët!
Granit Xhaka falënderon Breel Embolo për organizimin e ushqimit të qebapëve pas ndeshjes.
“U ndjeva mirë të haja sërish qebap pas një kohe kaq të gjatë”, thotë Xhaka.
“Disa lojtarë madje hëngrën dy qebapë në të njëjtën kohë”, tregon Xhaka.
