Barcelona mori një fitore të madhe në ndeshjen e parë çerekfinale të Ligës së Kampioneve, duke mposhtur Borusia Dortmundin me rezultatin e thellë 4-0.
Golin e parë në ndeshje e shënoi braziliani Rafinja, i cili vetëm shtyu topin që po shkonte në rrjetë pas goditjes së Pau Kubarsit. Dhe për këtë veprim ai është kritikuar shumë nga tifozët në rrjetet sociale duke e cilësuar egoist.
“I kërkova falje Kubarsit. E preka topin para se të kalonte vijën. I thashë të ishte i lumtur, do t’i numërohej si një asist për të”, tha Rafinja duke qeshur.
“Ky është roli im për ekipin, të shënoj gola. Nuk mund të them se jemi në gjysmëfinale. Ka mbetur edhe një lojë tjetër. Është gjithmonë e vështirë. Ndeshja e radhës do të jetë shumë ndryshe. Përpara tifozëve të tyre ata do të jenë një ekip ndryshe me shumë cilësi”, përfundoi ai.
PANORANASPORT.AL
