Home Blog Page 3

Tkurret stafi i vlonjatëve, Flamurtarit i largohet edhe…

0

Pas përgatitësit atletik, Flamurtarit i ikën edhe fizioterapisti. Brajan Osmani vendosi që ta mbyllte këtu aventurën me kuqezinjtë. “Panorama Sport” mëson nga burime pranë klubit se ai ka njoftuar drejtuesit për largimin, duke “tkurrur” stafin teknik. Situata duket në fakt e çuditshme, pasi rrjedhjet po shoqërojnë njëratjetrën në pankinë. Shkak duket situata financiare e cila ka bërë që fizioterapisti të mos qëndronte më. 

flamurtari

Brajan Osmani e nisi aventurën te Flamurtari në fillim të këtij sezoni, teksa zëvendësoi Enis Malajn të larguar pikërisht prej situatës financiare. Me gjithë insistimin e drejtuesve të klubit, ish-fizioterapisti vendosi që të kalonte tek Orikumi. Dhe gazeta mëson se edhe destinacioni i Osmanit mund të jetë pikërisht klubi orikas, ku do të përforcojë stafin mjekësor të drejtuar nga Enis Malaj. I kontaktuar nga “Panorama Sport”, përgatitësi atletik i Flamurtarit konfirmoi “divorcin” nga klubi, por pa dashur që të japë shpjegime të hollësishme për shkaqet që e kanë çuar në këtë vendim.

troisiii

STAFI – Marcelo Troisi duket se ka mbetur tashmë me një staf të cunguar. Pasi i iku krahu i djathtë (përgatitësi portugez), ai ka mbetur vetëm me përthyesin. Flasim për stafin me të cilin erdhi në Vlorë me të marrë detyrën si trajner, pasi “të vjetrit” vijojnë ende punën. Bëhet fjalë për Luan Birçen që është ende trajner portierësh, por edhe Dritan Resulin që po asiston seancat stërvitore gjatë kësaj periudhe. Ky i fundit është trajneri i Flamurtarit U-19, në fakt, por duke qenë se trajneri brazilian nuk zotëron licencën “UEFA Pro”, kanë gjetur si zgjidhje që të jetë ai në protokoll për ndeshjet zyrtare. Shpesh seancat stërvitore ndiqen edhe nga drejtori Ardi Ciruna, i cili në raste të veçanta jep edhe ndonjë udhëzim.

sUKAJ

SUKAJ – E çuditshme duket situata në Vlorë edhe me Xhevahir Sukajn. Sulmuesi pak ditë më parë nisi të stërvitej me ekipin dhe rikthimi i tij u cilësua si një lajm i mirë në këtë situatë të vështirë ku gjendet ekipi. Por, shkodrani nuk ka dalë dje në stërvitje. Nuk dihet nëse i është përsëritur sërish dëmtimi apo ka marrë leje nga klubi. Situata me shkodranin mbetet e paqartë, ku herë rikthehet e herë mungon. Sulmuesi mund të ishte një nga shtyllat kryesore të ekipit nëse, por mungesat e vazhdueshme u kanë shtuar një tjetër mungesë të vyer kuqezinjve. Pritet të shikohet se çfarë do të ndodhë në ditët në vijim me shkodranin. Sulmuesi shkodran shikohet si një nga të preferuarit e administratorit Sinan Idrizi, madje shpesh qëndron përkrah tij në tribunë duke ndjekur ndeshjet.

 ERMAL SIKA


Zeneli e feston ditëlindjen – ky është gjesti i klubit të Reimsit

0

 

Mesfushori i Kombëtares së Kosovës, Arbër Zeneli sot e feston ditëlindjen e 25-të.

Për t’i uruar “çerekun e parë” të jetës është përkujdesur edhe klubi i tij, Stade de Reims, përcjell Insporti

  

Zeneli në fundjavë iu kthye fushave të blerta ku luajti për 45 minuta për ekipin e rezervave të Reimsit.

Në ‘Twitter’, faqja e Reimsit e ka uruar në mënyrë të veçantë yllin e Kombëtares së Kosovës.

  

“Një çerek shekulli duhet të festohet, apo jo? Stade de Reimsi i uron ditëlindjen mesfushorit të saj, Arbër Zeneli që iu kthye fushave këtë fundjavë duke e luajtur një pjesë të lojës”, shkruhet në urimin e Reimsit.

Kthimi i Zenelit vjen në kohë të mirë për Kombëtaren e Kosovës, që e zhvillon ndeshjen e play-offit të Euro 2020 ndaj Maqedonisë, më 26 mars. /Insporti.com/

  

 


Arbër Zeneli e feston ditëlindjen – ky është gjesti i klubit të Reimsit

0

 

Mesfushori i Kombëtares së Kosovës, Arbër Zeneli sot e feston ditëlindjen e 25-të.

Për t’i uruar “çerekun e parë” të jetës është përkujdesur edhe klubi i tij, Stade de Reims, përcjell Insporti

  

Zeneli në fundjavë iu kthye fushave të blerta ku luajti për 45 minuta për ekipin e rezervave të Reimsit.

Në ‘Twitter’, faqja e Reimsit e ka uruar në mënyrë të veçantë yllin e Kombëtares së Kosovës.

  

“Një çerek shekulli duhet të festohet, apo jo? Stade de Reimsi i uron ditëlindjen mesfushorit të saj, Arbër Zeneli që iu kthye fushave këtë fundjavë duke e luajtur një pjesë të lojës”, shkruhet në urimin e Reimsit.

Kthimi i Zenelit vjen në kohë të mirë për Kombëtaren e Kosovës, që e zhvillon ndeshjen e play-offit të Euro 2020 ndaj Maqedonisë, më 26 mars. /Insporti.com/

  

 


Mbrojtësi italian: Shkoja në stërvitje i dehur, gëzohem që u diagnostikova me kancer

0

 

Mbrojtësi i Lazios, Francesco Acerbi, thotë se ai s’kishte qenë aspak i kujdesshëm gjatë fazave të hershme të karrierës së tij. “Unë shpeshherë kisha arritur në stërvitje i dehur nga festimet e një nate më parë”.

Mbrojtësi i bardhekaltërve e dha një intervistë për gazetën italiane L’Ultimo Uomo, në të cilën ai diskutoi për disa aspekte të ndryshme të karrierës së tij, përfshirë këtu edhe diagnostikimin me kancer, transmeton Gazeta Express.

  

Acerbi, tani 32-vjeçar, thotë se ai nuk ishte aspak profesionist në fillim të karrierës së tij.

“Fillimisht, unë luaja për babanë tim. Atij i interesonte shumë, ndoshta më shumë sesa që duhej. Pa dyshim që i interesonte më shumë sesa mua. Ndoshta nganjëherë ai përqendrohej shumë në mua, ashtu që nëse dëshironte të më përmirësonte, duhej të më lëndonte”, ka thënë Acerbi.

  

“Fakti është se kur ai ndërroi jetë, unë s’kisha për kë të luaj më, pa dyshim që s’e bëja dot për vete. Nuk e kisha mendjen e një profesionisti. Nuk kisha respekt për veten, nuk kisha respekt punën, nuk kisha respekt për njerëzit që më paguanin”.

“Shpeshherë arrija në stërvitje i dehur nga pijet alkoolike që i kisha pirë një natë më parë. Isha mirë fizikisht sepse gjithmonë kam qenë i fuqishëm. Ishte e mjaftueshme për mua që të fle disa orë dhe pastaj të dilja në fushë”.

  

“S’frikësohesha të përballesha me skuadra të mëdha dhe jo pse unë isha i guximshëm, por sepse s’më interesonte. Unë vetëm doja të argëtohesha dhe të luaja. Kur isha në Milan, Ariedo Braida më tha se klubi ishte i vetëdijshëm për stilin tim të jetës dhe për këtë arsye ma gjetën një shtëpi në Gallarate e jo në Milano, por unë dilja edhe ashtu”.

Acerbi u diagnostikua me kancer në vitin 2013 dhe thotë se ai moment ia ndryshoi plotësisht mënyrën se si ai e shikonte jetën.

“Kanceri ishte fati im. Unë e falënderoj Zotin që u diagnostikova me të. E zbulova se ishte i sëmurë në korrik të vitit 2013, kur sapo kisha arritur në Sassuolo. Një vit pas sëmundjes time, diçka më ndodhi”, shtoi Acerbi.

“Shkova të fle një mbrëmje sikur të mos kishte ndodhur asgjë, në mëngjes u zgjova i frikësuar. Frikësohesha nga hija ime, po mendoja për shqetësimet që m’u dhanë, për mundësinë të cilat i kisha hedhur mënjanë, vitet e harxhuara kot”.

“Të gjitha më ranë në mendje së bashku papritur. U desh të shkova te një psikolog për t’i kaluar frikët e mia. Kështu që u nisa në një udhë që të përmirësohet si njeri, duke i limituar aspektet e karakterit tim që mund të më shkatërronin”.

“Tani dua gjithçka. Pa sëmundjen, unë do të kisha përfunduar në Serie B ose ndoshta do të isha ndalur plotësisht. Për fat të mirë, dikush atje lart më deshi dhe ma dërgoi sëmundjen. Pa të, do të kisha përfunduar shumë keq”.

Acerbi qëndroi në Sassuolo për pesë vjet, para se t’i bashkohej Lazios në vitin 2018.

 


Arbër Zeneli u kthye në fushë pas 8 muajve – ja çka bëri me Reimsin

0

 

Arbër Zeneli i është kthyer fushave të gjelbra këtë fundjavë, teksa ky është një lajm shumë i mirë për Kosovën që muajin e ardhshëm do të luajë ndeshjen më të rëndësishme në histori.

Zeneli, që pësoi lëndim të rëndë në gjurin e tij në muajin qershor në ndeshjen kundër Malit të Zi në Podgoricë, më në fund iu është kthyer fushave, transmeton Insporti

  

Futbollisti 25-vjeçar, pas 8 muajsh mungesë ka luajtur për ekipin e dytë të Reimsit, ku luajti për 45 minuta.

Zeneli për ekipin e rezervave të Reimsit, të shtunën zhvilloi 45 minuta në ndeshjen kundër ekipit të Schiltigheim.

  

Më poshtë mund të shikoni disa nga momentet e ndeshjes ku luajti Zeneli, e cila u mbyll me barazim pa gola. /Insporti.com/

  
 


Mesi në tempullin e Maradonës për të prishur mallkimin, Barça sheh “makthe” në ndeshjet në transfertë

0

Për të fituar Ligën e Kampioneve duhet të shënojmë gola në fushën kundërshtare. Është shumë e rëndësishme kjo gjë në të gjitha ndeshjet. Kur fituam Champions-in, shënuam në të gjitha ndeshjet që luajtëm në transfertë. Përveç faktit që ishim superiorë, detyra kryesore është të shënosh. Nëse jo, atëherë rruga bëhet e vështirë”, ka thënë Mesi disa muaj më parë në një intervistë për gazetën “Sport” kur kujton eliminimin nga Liverpuli. Dhe ai e di shumë mirë pse e thotë këtë. 

200224205403-lionel-messi-diego-maradona-liga-de-campeones-futbol-large-169

Barcelona ka udhëtuar në Napoli për të luajtur sot sfidën e parë të vlefshme për fazën e 1/8-ave, me objektivin për të marrë një rezultat pozitiv. Dhe ky rezultat arrihet duke shënuar. Por statistikat nuk janë aspak pozitive, sepse që nga viti kur Barcelona ka fituar Championsin në vitin 2015, nuk ka arritur të shënojë asnjë gol në 4 transferta në raundet me eliminim direkt. Bëhet fjalë për ndeshjet kundër Atletikos së Madridit, Juventusit, Romës dhe Liverpulit. Këto katër ndeshje kanë një bilanc 12-0. Shumë i keq për një ekip si Barcelona. Krejt e kundërta ndodh në “Camp Nou”, i cili është një fortesë që nuk shembet kurrë. Në transfertë, katalanasit humbasin forcën sulmuese.

barcelona121212

Në 10 eliminatoret që kanë luajtur që nga viti 2015, Barcelona ka arritur të shënojë vetëm 4 gola. Për të qenë të saktë, vetëm 3, sepse njëri ka qenë autogol i Shout kundër Junajtid. Të tre golat i ka shënuar Leo Mesi. Një tjetër e dhënë shqetësuese që në 10 ndeshje të luajtura jashtë shtëpisë, vetëm argjentinasi ka qenë i aftë të shënojë gol larg “Camp Nou”-t. Kjo është një çështje serioze, e cila kërkon reflektim. I ka ndodhur Luis Enrikes, pastaj Valverdes. Kike Setien tani ka një detyrim për të ndryshuar këtë trend negativ.

Që Barcelona ka probleme në transferta, nuk është e vështirë për t’u kuptuar sepse ka lënë 18 në La Liga. Sot në mbrëmje, Leo Mesi me shokë do të kërkojë që të thyejë mallkimin kundër Napolit të Gatuzos. Skuadra italiane është rritur shumë që nga koha kur në stol është ulur Rino dhe ky i fundit është gati t’i hapë luftë kujtdo. Por Barça vjen në këtë sfidë me moral të lartë për shkak të fitores spektakolare në fundjavë me Eibarin dhe marrjes së vendit të parë në klasifikim.

Quique-Setien

SETIEN- Kike Setien ëndërron… Kërkon një debutim të paharrueshëm, edhe pse e di që Liga e Kampioneve është një kompeticion shumë i vështirë. Ai kërkon që futbollistët e tij të heqin nga mendja eliminimet e mëparshme të Barcelonës kundër Romës dhe Liverpulit, edhe pse thotë se nuk është e lehtë.

“Të gjitha skuadrat në këtë fazë të Champions-it janë të vështira dhe kërkojnë të japin më të mirën nga vetja. Napoli është përmirësuar shumë kohët e fundit, por më mirë të shohim veten. Gatuzo? Më vjen mirë që një ishlojtar i madh si ai më ka ndjekur në të shkuarën. Nuk jemi të ngjashëm, por çdo trajner ka stilin e tij. Realiteti është që Gatuzo ashtu si unë kemi pasur situata të njëjta në mënyrën se si kemi mbërritur në ekipet ku jemi”, tha Setien. Ai nuk ka dashur që të ndalet tek “El Clasico”, duke thënë se mendimet e lojtarëve duhet të jenë vetëm për Napolin. “Janë kompeticione të ndryshme dhe bëjmë mirë të fokusohemi në Champions. Pastaj do të mendojmë për ndeshjen me Realin. E shkuara? Gjatë këtyre ditëve nuk kemi folur kurrë për eliminimet që ka pësuar skuadra kundër Liverpulit apo Romës, por është e vërtetë që lojtarët e kanë në mendjen e tyre. Ne duhet ta ndryshojmë këtë histori të viteve të fundit dhe të shkojmë deri në fund të këtij kompeticioni”, tha Setien në konferencën për shtyp përpara mediave.

Përgatiti: GENTJAN ALINANI


Aktori i famshëm amerikan dëshiron ta blejë klubin evropian ku luajnë dy shqiptarë

0

 

Presidenti i Shoqatës së Aksionarëve të Vegjël (APA), Antonio Aguilera ka treguar për ‘Canal Malaga’ se një kompani amerikane është e interesuar të blejë aksionet e Abdullah Al-Thani në klubin e Malagas.

Aguilera tha se pronari i klubit spanjoll po kërkon t’i shesë aksionet e tij për 100 milionë euro, shkruan Zëri.info.

  

Tashmë kanë filluar edhe kontaktet e para dhe bëhet e ditur se i interesuar është aktori hollivudian, George Clooney.

“Ata janë në bisedime”, kanë thënë burimet për ‘AS’.

  

Ndryshe, te klubi që garon në ligën e dytë spanjolle luajnë edhe dy futbollistë shqiptarë. Bëhet fjalë për Keide Baren dhe Armando Sadikun.

  
 


Milan po e transferon yllin e madh nga Zvicra

0

Agjenti i mbrojtësit të Cyrihut, Becir Omeragic ka konfirmuar se Milan po e ndjek klientin e tij përpara një lëvizje të mundshme.

i konsideruar si një nga perspektivat më të mira të të rinjve në futbollin zviceran aktualisht, Omeragic sapo ka arritur ta lidhë 18-vjeçarin me një kontratë të re, por janë të vetëdijshëm se ekziston rreziku për ta humbur atë në fund të sezonit.

I riu ka nënshkrua nga FC Servette në vitin 2018 kur ishte vetëm 16 vjeç, dhe ai po fillon të fitojë njohje në nivelin e ekipit kombëtar pasi aktualisht luan për skuadrën zvicerane U17.

Omeragic ka bërë nëntë paraqitje në ligë për FC Cyrihun deri më tani këtë term dhe vazhdon të lidhet me një transferim në skuadrën austriake Red Bull Salzburg.

Agjenti i lojtarit Nussi Jashari foli ekskluzivisht për të ardhmen e klientit të tij gjatë një interviste me Calciomercato, duke konfirmuar se një marrëveshje e re është nënshkruar përpara se të diskutonte interesin nga Milano, përcjell ORAinfo.

“Ai nënshkroi edhe për 4 vjet e gjysmë, pastaj deri në vitin 2024”, filloi ai.

“Ka shumë ekipe të interesuara për të. Thirrjet nga Bundesliga, Italia, Spanja dhe Anglia po vijnë. Kemi pasur shumë oferta konkrete, jemi shumë përpara me Salzburgun dhe shohim se çfarë ndodh”.

“Milani e njeh mirë dhe janë të interesuar, patëm një takim me ta”.
“Omeragic është një lojtar i kërkuar nga Kombëtarja Boshnjake edhe nëse ai ka bërë të gjithë nivelin e rinisë me Zvicrën. Ne duhet të zgjedhim ekipin kombëtar për të me qetësi”.

“Ai është një djalë shumë serioz dhe profesionist dhe e shikon me interes futbollin italian, i pëlqen. Ai ishte entuziast për këtë mundësi që ishte krijuar me Milanin. Tani ai është i lumtur sepse ka vazhduar me Cyrihun, në një klub ku ai ka besim te të gjithë dhe ai mund të tregojë”, tha ai. /ORAinfo/


Koronavirusi bllokon komplet sportin në Japoni!

0

 

Federata e Futbollit në Japoni ka njoftuar sot pezullimin e të gjitha ndeshjeve zyrtare deri me datë 15 mars.

Por, Komiteti Olimpik ka propozuar sot që vendimi i njëjt të merret për të gjitha sportet në këtë shtet.

Kjo pasi që COVID 19 ka shkaktuar 850 infeksione në Japoni.

Poashtu, maratona e Tokios që është një nga më të mëdhajat në botë do të zhvillohet në një format tjetër.

Nga 38 mijë vrapues sa ishte numri i atletëve pjesëmarrës, organizatorët kanë vendosur që të marrin pjesë vetëm 200 atletë elitarë./Indeksonline/

 


De Biazi flet për Rashicën: Po ta merrja atë, do të fitonim Europian

0

 

Ish-trajneri i kombëtares së Shqipërisë Xhani De Biazi beson se pavarësisht përhapjes së koronavirusit në Itali, beson se shteti mund ta përballojë më së miri situatën pasi ka një sistem mjekësor tepër efikas.

Në studion e “Proçesit Sportiv”, ish-tekniku i kombëtares kuqezi e konsideroi si “vdekje të futbollit” faktin që supersfida Juventus-Inter e ditës së diel do të luhet pa tifozë. Nga ana tjetër, ai u pajtua shtyrjen e ndeshjeve të Serisë A me 10-15 ditë, pasi kjo do të ndihmojë që të kthehet normaliteti.

“Përhapja e koronavirusit në Itali – Në aeroport më kontrolluan, nuk mendoj se kam gjë. Shteti jonë po e përballon shumë mirë situatën. Sistemi mjekësor italian është një nga më të mirët në botë, kemi mundësi t’i kontrollojmë dhe t’i kurojmë të gjithë. Uroj që situata të menaxhohet sa më mirë. Është mirë që të pengohen manifestimet publike në mënyrë që të përhapet virusi.

Juventus-Inter pa tifozë për shkak të koronavirusit – Një event kaq i bukur ta shohësh me dyer të mbyllura është vdekje e futbollit. Nuk e di se cila do të jenë zgjidhjet që do të gjejë qeveria. Uroj të jetë më e mira. Ta spostosh kampionatin me 10-15 ditë është mënyra më e mirë për t’u kthyer në normalitet”, përfundoi tekniku italian De Biazi.

De Biazi u ndal te përballja e fuqishme mes Tiranës dhe Partizanit ditën e premte. Ish-tekniku i Shqipërisë u shpreh se ripërtëritja e Tiranës e bën të pasigurtë të mendojë nëse ky rezultat ka ardhur në mënyrë të rastësishme apo nëse drejtuesit kanë projekt afatgjatë.

Meqënëse, Partizani u ka hapur shpesh rrugën trajnerëve italianë për të drejtuar 16-herë kampionët e Shqipërisë, De Biazi u përgjigj nëse do të drejtojë një ditë Partizanin. Italiani shtoi se synon të drejtojë një ekip elitar.

Tekniku italian ka mëse 2 vite pa drejtuar skuadër. Ekipi i fundit që stërviti ishte Alaveshi në kampionatin spanjoll.

“Tirana në vendin e parë – Këtë rezultat të Tiranës nuk e kuptoj. A ka klubi një projekt afatgjatë apo ka ardhur deri këtu rastësisht. Megjithatë, është interesante që një ekip me histori në futbollin shqiptar ka gjetur vendin e duhur.

A do ta drejtonte Partizanin një ditë – Pyetje jo shumë e bukur. Kur ika nga kombëtarja, shkova në Sapnjë. Pata mundësi të tjera për të drejtuar skuadra të ndryshme. Synoj të stërvis skuadra të një niveli të lartë”, bëri me dije De Biazi.

Në vazhdim të emisioni “Proçesi Sportiv”, ish-tekniku i Shqipërisë Xhani De Biazi shtoi se ka ardhur në Shqipëri për të hapur një kamp veror për të stërvitur fëmijët e moshës 6-16 vjeç në programin e tij “Italia Football Talent”. 63-vjeçari theksoi se regjistrimet do të nisin këtë javë, ndërsa tregoi se do të ndodhet në kompleksin “Tropikal” në Durrës.

I pyetur për mospërfshirjen e yllit të Kosovës Milot Rashica në EURO 2016, kohë kur luante për Shqipërinëm De Biazi ironizoi se po ta kishte grumbulluar futbollistin e Verder Bremenit do të fitonte kampionatin europian. Ai përsëriti se Rashica ishte tepër i ri për të luajtur në një kompeticion të rangut elitar si kampionati europian.

Duke folur për rikthimin e mundshëm në krye të kombëtares së Shqipërisë, De Biazi refuzoi kategorikisht të merrte sërish postin e trajnerit të skuadrës sonë, por pranoi se mund të merrte një rol drejtues, jo trajnues. Megjithatë, ai theksoi se synimi i tij tani është stërvisë fëmijë të ndryshëm dhe të marrë drejtimin e një kombëtareje të huaj.

“Arsyet e ardhjes në Shqipëri– Erdha sepse verën e ardhshme kam ndërmend të hap në Durrës në fushat ku stërvisja kombëtaren në kompleksin ‘Tropikal’ një kamp veror. Kemi filluar verën e kaluar. Është diçka që më ka dhënë shumë kënaqësi. Ishte një emocion shumë i veçantë për mua sepse ndihem si gjyshi i tyre kur i stërvis. U jap eksperiecën time si futbollist dhe trajner. Kam një staf që bëj stërvitje me sektorët rinorë të Veronës dhe Atalantës. Është një eksperiencë shumë e bukur, I ftoj të gjithë. Quhet ‘Italia Football Talent’. Prej të mërkurës e të enjtes do të jenë të gjitha informacionet për t’u regjistruar.

Lënia e Rashicës jashtë Shqipërisë për EURO 2016 – po ta merrnim do të fitonim Europianin. Në jetë duhet të kesh respekt për të gjihtë personat që ke punuar. Rashica ka lindur në 1997, ishte 19-20 vjeç, nuk kishte nivelin që ka si sot. Sot është një fenomen, askush nuk ia heq cilësitë që ka.

Rikthimi te Shqipëria si trajner– Nuk e besoj. Me të nëjtat detyra, jo. Mund të vija në pikëpamje drejtimi. Kam objektiva të tjera. Dua të stërvis fëmijët dhe ndonjë kombëtare nëse do të më ftojnë”, përfundoi ish-trajneri i Shqipërisë në vitet 2011-2017 Xhani De Biazi.