Xhenoa-Juventus do të jetë ndeshja hapëse e javës së 16-të në Seria A, sfidë e cila është programuar të luhet nesër në orën 20:45. Në konferencën për shtyp, trajneri Masimiliano Alegri theksoi sërish se zikaltërit janë favoritët për titullin.
“Interi mbetet favorit sepse është ndërtuar për të fituar kampionatin, edhe Zhang në darkën e Krishtlindjes theksoi se objektivi është ylli i dytë. Ne kemi një rrugëtim ndryshe nga Inter, me lojtarë të rinj dhe që po vijnë në rritje. Duhet të përmirësohemi ende dhe duhet të jemi të qetë për të menaxhuar momentet e vështira.
Djemtë janë të përgjegjshëm për atë që bëjnë në fushë, më vjen mirë edhe sepse këtu te Juventus në këtë skuadër, nuk ka një i cili të sillet si numri një. Të gjithë e dinë mirë se objektivat e skuadrës vijnë para objektivave personal. Kjo është diçka e jashtëzakonshme. Në fillimin e kampionatit askush nuk do ta kishte menduar se Juventus do të ishte i dyti. Mungojnë edhe katër ndeshja para se të mbyllet faza e parë dhe duhet të qëndrojmë me këmbë në tokë. Objektivi mbetet kualifikimi në Champions.
E ardhmja? Eksperienca të përmirëson, pasi futbolli nuk ka një recetë fikse për të fituar. Nuk ndihem ende i lodhur dhe nuk më pëlqen që të bëj drejtuesin. Unë mendoj vetëm për objektivin që është kualifikimi në Champions, aty ku duhet të luanim edhe këtë sezon”, u shpreh Alegri.
PANOAMASPORT.AL
