Katër persona përfshirë një oficer policie humbën jetën nga të shtënat me armë në qytetin Nju Jorkut mbrëmjen e kaluar.
Autoritetet njoftuan se sulmi me armë ndodhi në Manhattan në një godinë ku kanë selinë kryesore kompani si “Blackstone”, “KPMG” dhe Liga Kombëtare e Futbollit Amerikan apo siç njihet ndryshe “NFL”.
Pak orë pas sulmit autoritetet përkatëse kanë zbuluar detaje të reja në lidhje me atentatorin, identiteti i të cilit është Shane Tamura.
Për 27-vjeçarin, e lindur në Hauai, nuk ka qenë një rastësi vendi ku ka kryer atentatin pasi ai ka qenë në një ekip të futbollit amerikan të shkollave të mesme.
Në letrën e tij të lamtumirës atentatori shpjegonte se vuante nga një sëmundje cerebrale (Chronic Traumatic Encephalopathy), të cilën e kishte si pasojë e aktivizimit për një kohë të gjatë në këtë disiplinë. “Askush nuk duhet të praktikojë këtë sport, studioni trurin tim”, shkruante atentatori në letrën që i gjetën në xhepin e pantallonave.
