Ish-piloti i Formula 1, Ralf Schumacher vëllai i legjendës, Michael ka “shokuar” botën duke u deklaruar si homoseksual.
Ralf ishte i martuar me Cora Schumacher, një martesë që ka zgjatur 14 vjeç dhe kanë një djalë, David i cili lindi në vitin 2002.
Por, të dielën – ish-piloti i Formula 1 shokoi botën duke thënë se është homoseksual, madje publikoi edhe një foto me të dashurin e tij.
“Gjëja më e bukur në jetë është kur me vete ke një partner të vërtetë me të cilin mund të ndash gjithçka”, ka shkruar Ralph ku shihet duke u përqafuar me të dashurin e tij
Në koment, prezantuesja televizive Carmen Guice shkroi: “Ju keni partnerin më të mirë. “Pas dy vitesh më në fund mund t’i tregoni botës dashurinë tuaj”.
Ralph gjatë karrierës së tij ka shënuar gjashtë fitore, kurse 27 herë ka zënë vendin në podiume.
