Goglat e kanë dhënë verdiktin e tyre. Reali i Madridit do të përballet me Mançester Sitin në “play off” në Ligën e Kampioneve, duke nisur nga 11 shkurti. Ky ishte një çift që në Madrid dhe në Mançester dëshironin ta shmangnin.
Por për tifozët do të jetë një mundësi më shumë për të shijuar dy ndeshje të tjera të mëdha që janë në vazhdën e atyre që këto dy klube kanë dhuruara në vitet e fundit në Ligën e Kampioneve. Ndonëse Mançester Siti nuk është në kulmin e tij, kjo nuk do të thotë se të besuarit e Guardiolës e kanë humbur sharmin e tyre. Dashur pa dashur, përballja mes Realit dhe Sitit është kthyer në një klasike moderne në Ligën e Kampioneve. Kjo e shkurtit do të jetë hera e gjashtë që të dyja skuadrat takohen në një ndeshje të Ligës së Kampioneve, në të cilën është Reali që komandon me 3 kualifikime kundrejt dy të ekipit që aktualisht drejtohet nga Pep Guardiola.
REALI – Madridi fitoi (ndeshje dyshe vajtje-ardhje me eliminim direkt), gjysmëfinalen evropiane të sezonit 2015-2016, falë një goli të mrekullueshëm të Bejl në ndeshjen e kthimit të luajtur në Madrid. Një tjetër gjysmëfinale, ajo e sezonit 2021-2022 ishte dëshmi e një prej rikthimeve më të pabesueshme në historinë e Madridit, me dy gola nga “Los Blancos” (të dy nga Rodrigo) kur të besuarit e Pep dukej se kishin prerë biletën e tyre për në finale. Sezonin e kaluar, Madridi dhe Sitit përjetuan një tjetër ballafaqim epik, me një barazim spektakolar 3-3 në Madrid dhe fitoren magjepsëse të Realit nga lotaria e penalltive në “Etihad”.
MANÇESTER SITI – Ndërkohë, Siti nga ana e tij ka kaluar dy herë në përballjet me eliminim direkt përballë Realit. E para ishte në 1/16 e finaleve të sezonit 2020-2021, të shënjuar nga “Covid”, duke fituar të dyja ndeshjet, dhe gjysmëfinalen e sezonit 2022-2023, e vulosur me 4-0 në favor të britanikëve. Në shkurt do të kemi një tjetër ballafaqim titanësh. Të gjithë sytë janë nga “Etihad” paraprakisht.
PANORAMASPORT.AL
