Erik ten Hag ka konfirmuar se Antony pësoi një lëndim serioz kundër Chelseat, me Manchester United që gjithashtu humbi Luke Shaw në atë takim.
‘Djajtë e Kuq’ fituan me lehtësi 4:1 në ‘Old Trafford’ ndaj Chelsea, por fitorja e cila siguroi një përfundim në top katërshe dhe kualifikimin në Ligën e Kampionëve pati një çmim.
Anësori ndërkombëtar brazilian, Antony, u lëndua rëndë në një duel me Trevoh Chalobah, gjë që e bëri atë të largohej nga fusha në lot dhe me barelë pas vetëm 29 minutash, ndërsa mbrojtësi i majtë i Anglisë, Shaw u zëvendësua nga Tyrell Malacia në pjesën e parë.
Ten Hag njoftoi që Antony ka pësuar një lëndim srioz
“Është e vështirë të thuash gjithmonë, menjëherë pas ndeshjes, por, po, Antony është serioz. Luke Shaw, duhet të shohim. Nuk mendoj se është shumë keq, por duhet të presim 24 orë. Ne do të kemi një diagnozë dhe do të dimë më shumë.”
“Nuk e di [për Antony]. Të gjithë e kanë parë se ai u largua. Mund t’ju them se është serioze, por ne duhet të presim një minimum prej 24 orësh, pastaj të dimë ndoshta më shumë për statusin e lëndimit”, përfundoi holandezi./Lajmi.net/
