Randal Kolo Muani i përgjigjet Luciano Spallettit, i cili e kishte provokuar për mungesën e golave në dy ndeshjet e para të sezonit: “Ka të drejtë. Kur krijojmë kaq shumë raste, duhet të jemi në gjendje edhe t’i konkretizojmë. Pas asaj ndeshjeje, unë i pari e dija se kisha pasur rastet e duhura”.
Tani rastet do t’i ndajë me Woltemade: “Mund të luajmë së bashku, nuk do të ishte aspak problem. Unë mund të luaj si sulmues qendre, numër 10, por edhe në krah. Duket koncept banal, por objektivi im është të jap kontribut”.
Pavarësisht mungesës së golave në ndeshjet e para zyrtare, ish-sulmuesi i PSG-së siguron: “Unë jam dikush që e harron menjëherë gabimin, duhet të jesh i përqendruar dhe të mendosh për të tashmen. Nuk jam i shqetësuar që ende nuk kam shënuar. Fryma e grupit është e shkëlqyer, skuadra luan mirë dhe krijon raste, golat do të vijnë”.
Për rikthimin në Torino: “Përvoja e parë këtu ishte shumë e bukur. Doja ta përfundoja punën e nisur, ta riktheja Juven lart”. Edhe falë Spallettit: “Më pëlqen shumë si trajner, synon të ofrojë mjaft zgjidhje”.
Për sfidën me Milanin: “Do të jetë një test shumë i rëndësishëm, edhe Milani është një skuadër e madhe. Duhet të jemi gati”.
