Kroos mbron Xabi Alonson: I duhet kohë, por te Reali është pothuajse e pamundur
Në një intervistë të dhënë, ish-mesfushori i Realit të Madridit, Toni Kroos, foli për situatën aktuale te “Los Blancos”, duke mbrojtur trajnerin Xabi Alonso dhe duke theksuar se sa e vështirë është të stërvitësh një klub si Real Madridi:
“Këtu, fiton dhe askush nuk është i lumtur; barazim ose humbet dhe kritikohesh menjëherë. Xabi ka cilësi dhe e njeh mjedisin, por duhet kohë, edhe nëse është pothuajse e pamundur ta kesh në Madrid”, ka thënë mes të tjerash gjermani.
Toni Kroos u transferua nga Bayerni i Mynihut te Reali i Madridit në vitin 2014 dhe luajti për 10 vite me madrilenët, derisa u tërhoq nga futbolli i luajtur në vitin 2024. Me Realin mesfushori gjerman fitoi 4 LaLiga, 5 Champions League, 5 Botërorë Klubesh, 3 Superkupa të UEFA-s, 4 Superkupa të Spanjës dhe 1 Kupë Mbreti.
