Uli Hoeneß, mori “Çmimin e Legjendës” në galanë e Sport Bild të hënën në mbrëmje, por ish-ylli i Bayernit, Thomas Helmer, rrëmbeu vëmendjen e të pranishmëve në sallë dhe të publikut më të gjerë duke ndarë një histori të jashtëzakonshme. Ish-mbrojtësi pranoi se dikur donte të rrihte Uli Hoeneß, në atë kohë trajner i Bayern Munich.
“Ishte një ndeshje e Ligës së Kampionëve, mendoj kundër Kievit. Stadiumi i Vjetër Olimpik, dukej si -17 gradë, 13,000 spektatorë – por drejtpërdrejt në televizion. Ne ishim 1-0 përpara në pjesën e parë, por mendoj se Kievi vrapoi drejt portës sonë tre herë, ata thjesht nuk e futën topin brenda në rrjetë.
Pastaj Hoeneß “u çmend”! ‘Çfarë po luan, çfarë po u shërben spektatorëve? Ky është një turp për Bayern Munich. Miliona njerëz po shikojnë, pavarësisht se sa janë këtu në stadium… edhe nëse është ftohtë. Pastaj kalova pranë tij dhe ai bërtiti: ‘dhe ti po vrapon si gjyshi im!’
Unë mora një gotë elektrolite dhe doja ta goditja në kokë, por godita murin. Pastaj ai ishte mjaft i zgjuar për të shkuar te fizioterapisti në dhomën e zhveshjes dhe për t’u fshehur”, tregoi Helmer.
“Të nesërmen patëm një bisedë plotësisht të hapur. Uli nuk mbajti kurrë mëri. Ka dy njerëz në botë tek të cilët do të shkoja nëse do të kisha një problem. Pavarësisht nëse është privat, financiar apo shëndetësor – njëri prej tyre është Uli Hoeneß”, shtoi ish-mbrojtësi.
