Laçi zhvilloi të mërkurën miqësoren e parë të fazës përgatitore, duke fituar 4-0 kundër Korabit.Trajneri Armando Cungu vëzhgoi gjendjen e lojtarëve pas një periudhe 10-ditore të ngarkuar, me stërvitje më shumë fizike.
Në këtë test debutoi edhe qendërmbrojtësi nigerian, Samuel Opeh, ndërsa së fundmi radhët e kurbinasve janë shtuar edhe me mesfushorin Kleandro Lleshi, i cili në sezonin e kaluar u aktivizua për Kukësin.
Nga skuadra janë konfirmuar deri më tani tri largime: Klinti Qato, Ronald Sobouale, Ajdi Dajko. Në të njëjtën kohë, gjasat janë që të iki edhe mesfushori Serxho Ujka, për të cilin ka oferta nga brenda dhe jashtë vendit.
Në dyshim është edhe portieri Mario Dajsinani, pasi klubi ka oferta për ta shitur, teksa një prej të interesuarve është edhe klubi i Egnatia. Megjithatë, me grupin jo të plotë për të përballuar gjithë sezonin, Cungu pret të tjera afrime. Skuadra ka nevojë për përforcime në të gjitha repartet.
