Lacio ka siguruar firmën e një futbollisti të rëndësishëm për manovrën e trajnerit Sarri, pasi ka rinovuar për një tjetër vit kontratën me spanjollin Pedro. Për këtë të fundit kishte dyshime, pas disa kontakteve me skuadrat saudite që kërkojnë futbollistë të kalibrit të tij.
Por sot ka ardhur njoftimi i nënshkrimit të marrëveshjes me 35-vjeccarin i cili ka një karrierë të gjatë e të suksesshme në nivelet më të larta.
“Futbolli po ndryshon, shumë lojtarë po kërkojnë dhe u bashkohen kampionateve të tjera. Shpesh është e vështirë të thuash jo. Por unë kam vendosur gjithmonë në rresht të parë Lacion për atë që kam përjetuar në këto dy vite, po punojmë të gjithë në të njëjtin drejtim.
Falënderoj presidentin Lotito dhe trajnerin Sarri për besimin. Ky grup është si një familje, edhe tifozët kanë qenë vendimtarë për rinovimin tim”, tha Pedro pas firmës.
📣 Ancora insieme @_Pedro17_ ! 💙 🦅 pic.twitter.com/SjFzlqZZZ7
— S.S.Lazio (@OfficialSSLazio) July 25, 2023
PANORAMASPORT.AL