Liverpool është lidhur me Rodrygon, të cilin e shohin si një zëvendësues për Mohamed Salah nga raportimet në mediat spanjolle.
Salah pati oferta nga Arabia Saudite gjatë afatit kalimtar të verës, kur Al-Ittihad donte ta nënshkruante me të.
Dhe pritet që sulmuesi t’i bashkohet skuadrës arabe.
Tani, raportet spanjolle po lënë të nënkuptojnë se Rodrygo i Real Madridit është dikush që Klopp e vlerëson dhe do të dëshironte ta sillte në Liverpool.
Rodrygo nuk ka qenë i lumtur që duhet të operojë në një rol më qendror në formacionin e Carlo Ancelottit që nga largimi veror i Karim Benzema në Al-Ittihad.
Për më tepër, ai është i shqetësuar se do të humbas vendin e tij nëse “Los Blancos” transferojnë Kylian Mbappen nga Paris Saint-Germain.
