Liverpooli ka marrë edhe fitoren e dytë në po aq ndeshje miqësore nën urdhrat e trajnerit Arne Slot.
Në sfidën e zhvilluar në Lincoln Financial Field të Philadelphias, Liverpool ka triumfuar ndaj Arsenalit me rezultat 2-1.
Vetëm pas 13 minutave lojë Mohamed Salah doli në rast të artë shënimi pas asistimit të bukur nga Elliot dhe realizoi për 1-0.
Ylli anglez Elliot bëri një tjetër asistim në minutën e 34-të, kësaj radhe për Fabio Carvalhon i cili realizoi për 2-0.
Krejt çfarë bëri Arsenali në këtë sfidë ishte goli i shënuar nga Kai Havertz në minutën e 40-të.
Dy trajnerët në këtë sfidë i dhanë hapësira të gjithë futbollistëve që kishin në dispozicion.
