Manchester Utd tronditet në Copenhangen.
“Djajtë e kuq” dy herë avancuan 0:2, 2:3 por pësuan humbje me rezultat 4:3 nga Copenhangen në ndeshjen e Grupit A të Champions League.
Manchester Utd ka komplikuar gjasat për kualifikim.
Rasmus Hojlund në minutën e 3-të e 28-të shënoi për epërsinë 0:2 të Manchester Utd.
Në minutën e 42-të, Markus Rashford i Manchester Utd u ndëshkua me karton të kuq.
Dy gola në fund të pjesës së parë, Mohamed Elyounoussi (45’) e Goncalves (45+5’ – nga penalltia) barazuan 2:2.
Në minutën e 69-të, Bruno Fernandes nga penalltia shënoi për 2:3 në favor të Manchester Utd.
Në minutën e 83-të, Lukas Lerager ka barazuar rezultatin 3:3 dhe Roony Bardghji në atë të 87-të shënoi për fitoren e madhe (4:3) të Copenhangen-it.
Bayerni kryeson në grupin A me 12 pikë, pasojnë Copenhangen me 4, Galatasaray 4 e Manchester Utd 3.
