Mesfushori shqiptar Kastrijot Ndau, ka gjetur rrugën e rrjetës me skuadrën e Ëil në ligën e dytë të Zvicrës, në triumfin 4-0 të arritur ndaj Ksamaks.
25-vjeçari mban edhe shiritin e kapitenit, teksa në minutën e 69-të, arriti të shënonte, nga pika e bardhë e penalltisë, duke vulosur shifrat në 4-0.
Për Ndaun ky ishte goli i dytë në 5 javë kampionat. Vlen të theksohet fakti se në të kaluarën Kastrijoti ka qenë edhe pjesë e Kombëtares Shpresa. Bëhet fjalë për vitin 2018, kur është aktivizuar edhe në një miqësore të luajtur ndaj Italisë U-21.
Ndau u aktivizua 11 minuta me fanellën kuqezi, teksa dueli përfundoi 3-1 për Italinë U-21. Dimarko, Murgia dhe Parigini shënonin për Italinë, ndërsa golin për Shqipërinë e realizonte Vrioni.
PANORAMASPORT.AL
