Është interesant se mendësia serbe nuk ndryshon dhe vazhdimisht tërbohen kur dëgjojnë emrin e Republikës së Kosovës.
Një medium si “Veçernj Novosti”, satelit apo argat i çdo pushtetit në Serbi, ka shkarravitur kundër shtetit të Kosovës.
Ky farë mediumi i çoroditur serb, krenohet me skandale, duke shkruar kësisoj: “Çfarë ndodhi në ndeshjen miqësore mes Armenisë dhe Kosovës do t’i kënaqë të gjithë në Serbi.
Dihet se Armenia është një nga vendet që nuk e njohu Kosovën. Tani ata kanë shkuar një hap më tej dhe kanë bërë një lëvizje të shumëpërfolur.
Tashmë gjatë intonimit të himneve u pa se flamuri i Kosovës është me kokë të poshtë në fanellat e futbollistëve vendas. Kështu filloi ndeshja dhe kështu u mbyll pjesa e parë.
Ajo që ndodhi në 45 minutat e dytë tërboi më tej të gjithë përfaqësuesit e këtij ekipi falso”.
