Kombëtarja e Shqipërisë ka barazuar me Ishujt Faroe, në ndeshjen e fundit kualifikuese për Euro 2024, barazim që i mjaftoi të mbyllte kampanjën kualifikuese në pozitën e parë në Grupin E.
Kuqezinjtë barazuan pa gola 0:0 me Ishujt Faroe, në stadiumin “Air Albania” në Tiranë, shkruan lajmi.net.
Një detaj që mori vëmendjen e të gjithëve ndodhi në fillim të fraksionit të dytë, kur në tribunën lindore u shpalos një mesazh i çuditshëm.
“Zoti është shqiptar” – shkruhej në mesazhin e shpalosur në tribunë.
Mediat serbe kanë shkruar për rastin në fjalë.
“Kurir.rs” shkruan: Një mesazh i turpshëm bëri xhiron e planetit. Tifozët shqiptarë krijuan një sërë skandalesh brenda një kohe të shkurtër dhe para se të digjnin flamurin e Serbisë, kanë vendosur një pankartë që sulmonte fenë, kishën dhe Zotin”, përcjell lajmi.net.
Kombëtarja shqiptare u kualifikua në Kampionatin Evropian që organizohet vitin e ardhshëm në Gjermani. /Lajmi.net/
‘God is Albanian’ banner was displayed during the match between Albania and the Faroe Islands. pic.twitter.com/d9WGcUNR43
— kos_data (@kos_data) November 20, 2023
