Ilkai Gyndoan ka shoqëruar trajnerin Julian Nagelsman para mediave. Kapiteni i përfaqësues së Gjermanisë i druhet rivalit, duke e konsideruar ndeshje të pakëndshme në lidhje me stilin e lojës që pritet të vendosin në praktikë skocezët:
“Pres ndeshje shumë të vështirë dhe të pisët nga ana e Skocisë. Loja në mesfushë do të jetë e dyluftuar. Kemi cilësi të madhe, por e rëndësishme në ndeshjen e parë do të jetë fitorja, më pas të fokusohemi në komponent të tjerë si, loja dhe dominimi i kundërshtarit. Shiriti i kapiteni është privilegj për mua, aq më tepër kur ky kompeticioni do të zhvillohet përpara tifozëve tanë. Më kujtohet Botërori i zhvilluar në shtëpinë tonë përgjatë vitit 2006.
Në ekip dominon fryma pozitive. Jemi gati për të treguar versionin më të mirë. Tifozët besojnë te suksesi dhe kjo është shenjë shumë e mirë. Ndryshe nga sa ndodhi në Kupën e Botës Katar 2022, ne kuotohemi mes favoritëve. Tashmë është koha të flasim në fushë”, përfundoi Gyndoan. Ilaki, Myler, Nojer dhe Kros janë “veteranët” e vetëm që i kanë “mbijetuar” revolucionit që Nagelsman ka bërë te kombëtarja. “Allianz Arena” është stadium i “huaj” për Gyndoan, pasi ka djersitur në Gjermani fanellën e Dortmundit.
PANORAMASPORT.AL
